ضيعت عمري بقلم مصطفى سبتة

فوادى بيقول ليه
سهادى تطول لياليه
بيهد احلامى ليه
ويصد هيامى حواليه
لا يرد سلامى اليه
ولا وعد غرامى يجيه
لا عهد موافى بيه
ولا ود باقى عليه
فطمت عنادى يعاديه
والعند شىء عادى فيه
عملت مدادى اداديه
والوجد منادى يناديه
فصلت ودادى عليه
و فضلت بفوادى اناجيه
وقلت ياهادى اهديه
وبرضه اللى بيه بيه
ليه تهون عليه دموع عنية
ودموع عنيه ما تهون علية
الشوق ماليه ويدارى علية
وشوقى اليه جارى فية
بافكر فيه ايامى وليالية
وعطفى عليه انهار حنية
متقدر ليه الحرمان لية
ويبدل ليه الحنان اسية
محيرنى فى الف ليه
ملوعنى ومش مكفيه
يعذبنى وعذابى يرضيه
يزعلنى و انا اللى اراضيه
يجرحنى وانا اللى اداويه
ويسيبنى لجرحى اعانيه
يغلبنى وانا اللى اواسيه
ويسيبنى لغلبى اقاسيه
ضيعت عمرى بين اشواك
حيرت امرى منين رضاك
حرمت نفسى جمال دنياك
و سلمت ياسى امال لقاك
لملمت جروحى من اساك
كتمت بوحى عن شكواك
وحرمت ياروحى اهواك
ولو ان روحى بتهواك