رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
الأربعاء 11 مارس 2026 5:58 م توقيت القاهرة
رئيس مجلس الإدارة
د/ نبيلة سامى
صحافة من أجل الوطن
( مجلة مصر )
( أحدث إصدارتنا)
كل الشوارع والبيوت
و ضل شجر التوت
وكل فجر راجع بيسألنى عليكى
ردى دايما سكوت
وباموت انا من غير موت
وجرحي لسة واجع من يوم ما سيبت ايديكي
بلف ف المواني
واحلم اقابلك تانى
ودموعي تملى عينيكي
ينزف جرح الاماني
يعزف نبض الاغاني
غنوة اهديها ليكي
غنوة اعتذار
لو ابكى طول سنيني
عليكى يا ضى عينى
العمر شوية عليكي
لو شوفتي ذل خضوعي
ولمحتى ف عيني دموعي
وندمي على لياليكي
كنتي حسيتى اني
باموت ببعدك عنى
واني ماليش بعديكى
ينزف جرح الاماني
يعزف نبض الاغاني
غنوة اهديها ليكى
غنوة اعتذار
لو سامعة صوت انينى
وعذاب قلبي وحنيني
كنت صعبت عليكى
كان قلبك يومها يسامح
وينسى اني جارح
ويقربنى ليكى
بس انتي شايلة منى
وجرحي ليكي جارحنى
ولسة مأثر فيكى
ينزف جرح الاماني
يعزف نبض الاغاني
غنوة اهديها ليكى
غنوة اعتذار
محمد عبد المنعم
منعم
إضافة تعليق جديد