كتبت.ياسمين حافظ.الحب في زمن البوستات

الحب بقي عبارة عن ايموشن قلب في بوست وسط الكلام 
الحب بقي بلايك علي شكل قلب كمان 
ياتري ده حب نتاوي ولا انساني ولا حب جنان

بس بقي مأثر علينا لدرجة انه ممكن يضايق اللي حوالينا لو مابعتش ليهم ايموشن قلب ولايك قلب كمان
حب ده ولا شكله جنان

خلاص نسينا الحب اللي كله مواقف وأفعال 
ودلوقتي بقي الحب كله عبارة عن أشكال

بقينا بنحكم بتفاهات .. وصلنا لمرحلة المتاهات 
نسينا كل جميل فات .. وبقينا عايشين زي الأموات 
كل حديثنا عن الحب بقي في بوستات وايموشن قلب في كمنتات

زمان كان الحب في جوابات .. بس كان بيعيش ويدوم اكتر من حب البوستات

كان عبارة عن مواقف وافعال .. فيه شعور واحاسيس مكتوبة بخط الايد مش مكتوبة ع الحديد 
فيه مشاعر متوهجة .. وكل حرف فيه زي الشموع بتقيد

يمكن كان حب دقة قديمة .. بس كان حب لي عزة و قيمة 
غير حب الموضة الجديدة .. التيك اواي اللي بينتهي بسرعة عجيبة رهيبة .