كتبت ياسمين حافظ..جيل حيران

جيل حيران متلخبط مش فرحان 
شاف حاجات كتير اكبر منه وبقي تعبان 
اتعلم قبل اوانه وشال هم الدنيا علي كتافه
اشتكي من تقلبات الدنيا وحوداثها واكنه شافها من زمان وعاشها 
فهمها وعرفها وبقي عنده خبرة سنين عايشها

ياتري مين السبب في اللي حصله اللي حواليه ولا اللي منه 
العلم اللي بيدرسه ولا الحب اللي بيلمسه 
في قلوب اهله وكل اللي عايش بيأسسه

جيل ضاع من كتر ماشاف وجع وضياع 
اشتكي من كتر ماشاف قسوة اللي باع

جيل شاف دم ودمار كتير وخراب وانهيار 
فاوام لاقي نفسه سنه كبير وواحد تاني مش زيه

سيبتوني ليه للنت والحب الإلكتروني 
ازاي جايين دلوقتي وتحاسبوني
عشان انا جيل متغير ومش عايش عيشة اهلي اللي ربوني 
لاني ماشوفتش نظام واهتمام زي ماقولتولي 
ماشوفتش حب وخير وسلام زي ما علمتوني 
ماشوفتش صدق وايمان وأخلاق زي ما في الدين درستولي

احنا جيل بالملايين عايشين مجانين عيشة المساجين 
اه عايشين بحرية وبكل انطلاقة وشقاوة عصرية 
بس في الاخر هتلاقي حياتنا مش طبيعية

عيشنا اطفال بالشقلوب في مجتمع مقلوب ولا يعلم بيه الا ربنا رب كل القلوب 
جيل حيران زهقان حزنان ومش حاسس منكوا باي أمان 
ركنتونا ليه ع الرف ودوقتونا قبل الأوان طعم الحرمان ونسيتوا اننا في الأخر كلنا إنسان