كتبت ياسمين حافظ.هطول المطر

باب الأمل مجروح .. صوت الضمير مبحوح 
قلب الوطن مجروح .. والناس علي فين تروح 
حتي الشجر مجروح .. من كتر زعل الروح
رفرف طير علي الشجر .. من فوق جذعه المكسور 
نزل عليه المطر .. لعل يزيل جرحه المكتوم
موج البحر ثاير .. والشاطىء مهجور
رفرف الطير تاني .. وغرد بصوت عالي ومبقاش مهزوم 
سمع صوت من بعيد .. وكأنه انسان موجود 
راح ناداه بصوت عالي .. هتلاقي فين الأمل وسط الغيوم 
والناس صار لونها مصدي .. عايشة وسط غيلان وصقور 
نور الصبح عتم من ظلم المظلوم .. ريح الهوا عفر من شكوى مهموم
رجع الطير يرفرف .. وكأنه ماسمع صوت 
غرد بصوت عالي .. علي أمله المفقود 
وقال في نفسه ازاي انهزم .. وفي صوتي أمل لإنسان مهموم
نزل هطول المطر .. واشتد عليه وكأنه بيقوله لسه في أمل موجود 
لمح الطير من بعيد ناس في عراك وكسور 
اندهش الطير وقال .. إزاي الناس تنهزم وأنا مبقتش مهزوم 
راح فين الحب .. مابينكم والود الموصول 
راح فين الأمل .. وسعة صدروكم للهموم 
راح فين الإيمان .. والثقة في ربنا المعبود
اشتد هطول المطر .. رفرف الطير ومبقاش مهزوم 
غرد بصوت عالي .. لعل يلاقي الأمل موجود
بص للسما وقال وربنا المعبود كل إنسان عايش علي الأرض ولسه موجود 
إزاي مايشوفش الأمل فيكي .. وأنا شوفته موجود 
ناديت ربي ودعيت .. ومع هطول المطر ربي قالي لبيت 
اصحي فوق يا إنسان .. قوي ايمانك بربك الرحمن 
أنا طير معاه أمل موجود .. مش زيك إنسان يأس عايش مهزوم