لمه كدابه

بقلم المستشاره/ هايدي أشرف

كل الوقت اللي عشته عماله اتعافى من أشخاص
من حد قاللي مرة زمان أنه باقي 
وأنه ضهري وأنه سندي إن وقعت
من قصيدةصاحبه كانت جنبي دايماً 
وأما جه البديل صبحت ماضي 
صاحبه كانت طول العمر أختي
يمر الوقت ولازلت بتعافى من الخذلان 
من اللي قالوا في حقي كلام وكسّروا قلبي البرئ 
ببان قويه وإني ناسيه وإني مش فاكره الأذيه 
لكني بكدب ويبان عليا في حزن قلبي وعياط في عيني 
لما أشوفهم متجمعين وكرسي تاني لحد تاني أخد مكاني 
وذكرياتي صبحت واقعهم 
اتوجعت في غيابهم واللي واجعهم كان كلامي 
لما مره كسرت صمتي ورديت على الهزار اللي كان يموت 
أنا أكتر واحده تفوت في كلام يقتلها في غياب 
ده حتى كنت أضعف من العتاب 
من قولة إني زعلانه ميهتمش بزعلي حد منهم 
مره هزار في شكلي وإني مش حلوه كفايه 
وإني ضعيفه وجبانه
وأما اتكلمت مشيو وقافلين وراهم ألف باب 
بقيت أخاف أحن ليهم وللمتنا زمان 
بقيت أخاف أحن ليهم ولذكرياتنا كمان 
حتى لما قولت سلام كان الرد سلام 
لكن كما قالوا الخطأ في الإفراط
وأنا كنت بدي وبزيادة أسمع هموم وأحل في مشاكل
كنت أم لكل حد أما أنا كنت نكته تضحكهم في قعده 
حضن يدفيهم في برد
أغنيه مهجوره هابطه يعزفوا على وجعي لحن 
عشت عمري بتجاوز في ناس
لا أنا قادره أرمم جروحي 
ولا أعمل ناس تاني بذكريات 
كان وجودي للكل عادي
عمر اختفائي ما كان حزين 
عمر زعلي ما كان كفايه 
كفايه هما فرحانين
عدى الوقت ولا زلت وحدي 
بسمع الأفلام لوحدي 
وأتمشى هناك لوحدي 
حتى كرسي السيما جنبي برضو فاضي 
وكأني أخر ورقه متعلقه في شجر الخريف 
وكأني من خذلانهم ليا أقوى إنسان ضعيف 
لازلت وحدي بتعافى من صدماتي وخذلاني في ناس 
بس قررت إني أبقى سعيده وحدي 
أحسن من لمه كدابه وخلاص