ماحدث فى الإسكندرية رساله ربانيه للناس لعلهم يتفكرون

احمد يوسف.الاسكندرية

ماحدث فى الإسكندرية رساله ربانيه تنبهك إن اللى انت بتفكر فيه وبتخطتله ممكن مايحصلش 
وأنت قاعد مطمئن، لا في بالك خوف ولا خطر، فجأة الأرض تهتز تحت رجليك! زلزال كدا من غير سابق إنذار، قلق وخوف وذُعر في كل مكان… وبعدها الدنيا تهدى شوية، نقول دي نادراً ما بتحصل، ونرجع تاني لحياتنا كأن مفيش حاجة حصلت.

وفجأة… زلزال تاني، أقوى من الأول! رُعب من جديد، ونفس السيناريو يتكرر. وبعدها نرتاح ونطمن، ونرجع تاني كأنها كانت سحابة وعدّت.

لكن المصيبة لما تحصل المفاجأة التالتة… في عز ما الناس بتستعد تصيّف، البحر مليان والجو حلو، فجأة عاصفة تضرب إسكندرية! رياح شديدة، كُتل من التلج بتنزل، والمطر يروي الشوارع كأننا في عزّ الشتا مش على أبواب الصيف. شهر 6 داخل، والكل لابس صيفي… مفيش حد كان ممكن يتخيل حاجة كدا، لا أهل البلد ولا الأرصاد نفسهم!

معنى كده ان اللى بيحصل حوالينا مش مجرد أحداث عادية… دي رسائل ربانيه للناس عشان تفوق وتاخد بالها