معلش أصل زحمة الدنيا وخداهم

كتب تامرعازر المناهرى
معلش
اصل زحمة الدنيا وخداهم.
من قسوة قلبهم متفكرش تعيش معاهم.
معلش
الدنيا زحمة ومحدش واخد بالة.
وفى الظلم يشوفك يقفل بابة
معلش
الدنيا الناس ماسكة فيها
والمال أصبح للقلوب بيشتريها.
معلش
هتشوف كتير فى الدنيا
اللي بيحسبها بانها مال ومش فانية.
معلش
اياك دموعك تكسرك قدام عدوك.
تصبح نقطة ضعف ويستغلك.
معلش
الدنيا هتشوف فيها العجب.
قلوب من نار وقلوب معدنها دهب.
معلش
الدنيا مليانة فى زحمتها الظالم والمظلوم
دور عليهم في الدنيا هتلاقيهم كل يوم.
معلش
فى الدنيا بتلاقى اقرب ماليك بيهمشك.
وبيتخلى عنك ومع مرور الوقت يظلمك.
معلش
الدنيا اتغيرت من البنآدمين
لما اتحكم فيهم المال اصبحو خاينين.
معلش
اصل زحمة الدنيا وخداهم