مين يشتري أمي

بقلم الكاتب/محسن رجب جودة
المشهد الأول.......قلب الأم
الأم:ألو أزيك ياحبيبي وحشتني كتير مبتردش عليا من زمان ليه ...أهه ....أهه...أهه لازم مشغول ربنا يعلي مراكبك ويخليك ولادك .......
الابن :يقطع كلامها بجفاء شديد عماله كل شوية تتصلي عليا ليه ناقصك حاجة ....الفلوس اللي بعتهالك خلصت ولا أيه.....حرام عليك أنا مش فاضي ....أف
الأم :خلاص يابني متزعلش نفسك حقك عليا أهه ....أهه ...أهه بس كنت مشتقالك وكان نفسي أشوفك أو أسمع صوتك
الابن :ليه يعني ده كله ما أنا كنت لسه عندك الشهر اللي فات بلاش عواطف فارغة أمال هأصرف عليك منين مش لازم أشتغل وأشتغل وأشتغل
الأم :معلش يابني حقك عليا أنا كنت عاوزة أقولك ...........
الابن:حرام عليكي كفاية بقى أنا مش فاضيلك.سلام بقى.............ويغلق الهاتف
الأم :دموعها تنهمر في غزارة وهي تقول سلام يابني ربنا يحفظك ويسلمك من كل شر
وتزداد دموعها في التساقط وهي تشرد بعيدا تتذكر مقتطفات من الماضي
....................وإلى اللقاء في المشهد الثاني