رئيس مجلس الإدارة   
            د/ نبيلة سامى                   

                                               

          صحافة من أجل الوطن 

              (  مجلة مصر )

                             ( أحدث إصدارتنا)

الجمعة 19 يوليو 2024 12:39 ص توقيت القاهرة

( نقطه و م الاول )

خيوط الوهم  ممدوده
وكاسره حروفها جوانا
ونسيانا
وسايبه   بس   أحزانها
وقلب اسير ف أحلامها
خيوط  الفرح مقطوعه
بنوصلها ف تصبح
لينا    حبة    عقد
تتكعبل فيها خطاوينا
ومكسوره كل  أمانينا
ونتمنى كمان لو بالضحكه
 يوم نحلم
ف يطلع صبح شكله كئيب
مليان وشوش كتير  يائسه
وشايله الهم مجروحه 
وشوش شاخت في أحزانها
وهم تقيل ف أيامها

ونحاول   نفك 
طلاسم الفكره
تاخدنا بعيد ل ١٠٠ فكره
و١٠٠ حل ميحلش 
ولا عقده ..........
ونقطه
ونرجع  تاني  م  الاول
 خيوط الوهم ممدوده
وفاصله   مابينا   وبين
فرحه موجوده
تمد ايديك  تحس  بانها
بينك وبينها كتير مسافات
خلاص  الفرحه  ممنوعه
حاول بس توصلها
ولو   بضحكه   مصنوعه
حتي  في  خيالك
واوهم نفسك بأنها  ف 
يوم  جيالك     جيالك

    ابو رامى الاسواني
     ٢٠٢٤/٧/٩

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.