ياسمين حافظ تكتب .... أنا والحلم

أنا والحلم زي اتنين صحاب

ساعات بنكون مع بعض لطاف

وساعات بنكون عن بعض أغراب

بنمشي في طريقنا خايفين لكن جوانا أمل ومكملين

وساعات بنقابل صعاب كتير والجو عواصف و رياح وزعابيب

وفي وقت تاني من غير مشاكل والجو هادي ربيعي بديع

وساعات بنقابل في طريقنا زحمة كبيرة و بتلهينا ونخاف مانلحقش المعاد ونضيع

وساعات بنكون خلاص من الوصول قريبين لكننا تايهين

وساعات أنا والحلم بنكون متفاهمين .. وساعات تانية تلاقينا على طول متخانقين

مع إننا مع بعض في طريق واحد متعلقين

ماشيين بهدف واحد والوصول فيه امتى !! مش عارفين

أنا والحلم ساعات من كتر المناهدة بنحس إننا مش قادرين

بس بنرجع نعافر ونحاول مع بعض في طريقنا ثابتين

معانا الأمل والارادة والصبر والعمل و أملنا في الله كبير

شعارنا واحد في طريقنا بشروا ولا تنفروا وإحنا اتعودنا طالما بدأنا في طريق لازم للنهاية نكمله