آه يا قلبي يا أمي

كتب /رزق ملاك شفيق
من كل قلبي بقول. الله يرحمك يا امي
اللي كنت شايله همى
كنت دايما واقفه جنبي
كنت معايا في فرح وحزني
ولا عمرك اتخليتي عني
كنت دايما بتدعي لي
ولا يوم اهنتيني
لسه فاكر كلامك ليا
لسه فاكر الوصيه
اللي قلتها لي
خلي بالك من اخواتك بعديه
عمرك يا امي قاسيتي عليا
انت كنت الدفه والحنيه
لسه كلامك في وداني
وصورتك دايما في بالى
لسه فاكر دعواتك ليا
لما كنت بتقولي لي
ربنا يسترها عليك يا عينيا
ولما قلتي لي انا راضيه عليك
من النهارده ليوم الدين
وتفرح بعيالك وتشوفهم دكاتره ومهندسين
وفي حياتكم تكونوا سعداء وفرحانين
الله يرحمك يا امي
اللي كنت شايله دايما همي
صدقيني يا امي عمري ما نسيتك
ده حبي ليكي كان
بيشوف طيفك
كنت بتجيلي في احلامي بتهون عليا الامي
كنت بتقولي ده انت ابني وغالي عليا
كفايه دموع عليا
صدقيني يا امي ما هنساكي
في الليل والصبح دايما باكى
نصيحه الكل الشباب الحلوين
اياك تزعلي الوالدين
اياك من دموع العين
ده كله الا زعل الوالدين
الله يرحمك يا امي
يا اللي كنت نور العين