( إبن اصول )

اكتر حاجه تشد عزيمتك

إنك لازم تعرف قيمتك

تعرف انك حد مهم

تعرف انك لازم منك

بس بشرط

إنك برضو تعيش ببساطه

مش تتنطط أو تتعالى

كل ما فينا عارف نفسه

ومفيش حد عايشها هباله

خلي الكل يحب وجودك

وأثبت ذاتك بإستلطاف

متخليش الكل يخاف

خلي الحب يزيد أضعاف

تعرف قيمتك طبعاً حقك

بس لكل حاجه اصول

تحس باللي يوقف جنبك

واللي ندالته تخليه يزول

اعمل صحك وانسى جنابه

ملهوش لازمه خليه يغور

مهما تشوف كتفك حمال

ياما صبرت صبر جمال

كل ما يومك بيك بيلف

اثبت انك يوم خيال

اصلك فصلك يظهر منك

خليك فاعل مش مفعول

وعشان تفضل عارف قيمتك

خليك دايما إبن اصول

ابو رامى الاسوانى