الست دي هي مصر

د/أحمد مقلد

الست دي هي مصر

في ضحكتها هي السلام

وفي بساطتها هي الأمان

ومع كل يوم جٌهد وشقي

ولقمة العيش هي السبب

ومين يقول غير كده

وسبب الطيبة هو السَمَاحَة

لأن الأصل باقي

وإحترام الغير واجب

ومع كل ضحكة بريئة شعاع نور

وفي كل سعي للنجاح يظهر ألم

والصبر هو الدواء لكل محزون

ومن كان حزنه جواه زاده الألم

لكن طول ما القلب مليان أمل

والناس حواليك تقول كلام معتبر

ويكون السعي دايماً للنجاح

فضحكة الست البسيطة تأشيرة مرور

ومع كل صبح يكون السفر

من حزن القلب لفرحة ملهاش حد

لان الشقا بيهون مع ضحكة ولاد الأصول

واللي دايما يشوفوا الألم صغير

ويكون نظرهم للأمل أكبر

وأنا من ذات اليوم بأقول يا ست الكل

يا مصر يا عظيمة

فيكي الأصالة والريادة والأمل

وعلي أرضك قامت حضارة في قلب الزمن

وان كان مع العمر فيه وجع

لكن جه اليوم اللي يتشد ضهرك بعزم الولاد

وهما ليكي السند للبناء

تحت رؤية رئيس وقيادة إدارة منظمة

والدولة قالت كلمتها

احنا أصل التاريخ والمستقبل بتاعنا

ومن يوم ما كتب التاريخ اسم البلد

صبحت مصر العلم فوق القمم

وزادنا الشموخ بكل نجاح علي أرضها

وهي رمز السماحة والريادة وفيها الخير موفور

والأمن محفوظ بأمر الاله

ورسمنا بسمتنا على قد التحدي وقوته

ولكل نجاح فرحته رغم طول خطوته