الـمـطبخ تقدمـه "صابرين متولي": تشيكن بالوايت صوص..من مطبخ نيفين عبد العزيز 

طريقة حلوة لشرائح الفراخ 
المكونات /نصف كيلو شرائح فراخ 
ماء بصلة 
علبة زبادى صغيرة
عصير ليمونة
معلقة صغيرة خل 
توابل /رشة توابل فراخ وفلفل اسمر وملح وزنجبيل وتوم بودر وبابريكا
2معلقة كبيرة زبدة
2معلقة كبيرة زيت 
2كوب ماء ساخن
كوب كريمة لبانى
نصف كوب بشر جبنة رومى او موتزاريلا
الطريقة:- 

نحضر طبق ونضع به الزبادى وماء البصل وعصير الليمون والخل والتوابل كلها ما عدا البابريكا ونقلب كله جيدا ثم نضع الفراخ ونقلب وتغطى وتترك يوم بالتلاجة ثم نحضر الفراخ ونضع صنية على النار ونضع معلقة زبدة ومعلقة زيت ونضع الفراخ بكل التتبيلة على نار عالية وبعد ما تشرب الفراخ كل السائل وتحمر نقلبها على الوجه الاخر وبعد ما تحمر نضع 2كوب ماء ساخن وتغطى  وبعد الغليان نهدى النار وتترك تشرب كل السائل وتستوى ثم نشلها من الصنية ونضع معلقة الزبدة الباقية ومعلقة الزيت الباقية ونضع رشة توم بودر ونقلب ثم  كوب الكريمة اللبانى ورشة بابريكا ونقلب الى ان تتقل الكريمة وتبتدى تغلى ثم نضع بشر الجبن ونقلب ولو احتاجت ملح نضع ثم نضع الفراخ وتغلى غلوة واحدة ونطفى النار وتقدم مع الصوص بطبق وبالهنا