الفنانة بيلا محمود تفكر في اعتزال الفن

سعيد شفيق

صرحت الفنانة الشابة بيلا محمود أنها في طريقها لاعتزال الفن والابتعاد عن الأضواء، بعد زواجها في بداية هذا العام من خارج الوسط الفني وذلك بناءًً على رغبة زوجها والتي تزوجته بعد قصة حب طويلة دامت لمدة عشر سنوات.

وعن الحب في حياة النجمة بيلا محمود قالت: بحب الطفولة وبراءة الطفولة، حب بريء من غير أي محسوبية ولامصلحة، حب الأهل، حب الجيرة، حب بتاع الفول، لما كان يحطلي حبة زيادة في الكيس ويقولي اتوصيت بيكي الفول اللي كان بـ 25 قرش، حب ابتسامة الناس اللي لما كنت أدخل أي محل أشوفهم بيبتسمو وبيقدموا مساعدات من غير انتظار شئ.

وأضافت أنه مطلوب الحب بجد اللي ميتعوضش وده الحب الأول، دلوقتي علشان تلاقي حد يحبك صعب أو لو لقيته للآسف تلاقيه مزيف مغشوش بس على وجوه ملونة، وجوه بترسم الابتسامة، علشان بس تستفاد منك ...الناس هي الناس بس قلوبهم أتغيرت، ممكن من ضغوط الحياة، ممكن من الفقر السأئد والله مش عارفة، مش عاوزه أحكم على حد بجد، ولا أقول دي تربية أو دين، الناس نسيت أن في تربية ونسيت ربهم، بس نفسي الناس ترجع تاني زي أول حب.

وأكدت، دلوقتي الحب مش موجود ونصيحتي لو حد وجد الحب ده لازم يضحي علشان يكمل، مش من السهل أننا نجد هذا الحب.

يذكر أن بيلا محمود نجمة صاعدة عملت في المسرح، حيث شاركت في مسرحية “مانجا هندي” مع أحمد سلامة ودرين حداد ورضا إدريس.

كما شاركت في مسرحية “الفرح مش بتاعنا” مع مجدي عبد الحليم ومحمد جان والمعلمة عسلية وحاليا تشارك في العرض المسرحي الكبير”سيدتي أنا” مع النجمة داليا البحيري ونضال الشافعي.

“بيلا” فنانة متعددة المواهب فهي صحفية وتكتب الشعر وتعمل بالغناء بجانب عملها كمذيعة ومقدمة برامج، حيث تستعد لتقديم برنامج تليفزيوني جديد سيعرض على إحدى القنوات الخاصة.