المطبخ تقدمة صابرين متولى :  القرص الطريه مقدمة من الشيف وليد الحاوى

يلا بينا نكتب وصفه القرص الطريه ال ناكل منها تبقي زي المهلبيه وحلاوتها وقت العصريه وياه لو كانت عشيه هتنامي وانتي مستنيه يطلع عليكي النهار علشان تقوليلي ان الوصفه دي ميه الميه

مقادير القرص الطريه علي الطريقه التركيه

نصف كيلو دقيق

ملعقه ذبده في درجه حراره الغرفه

ملعقتين ونصف زيت ك

ملعقه ملح ص

2 ملعقه خميره ك

ملعقه محسن ص

1/2 .2 سكر ( معلقتين ونصف )

ممكن اضافه بشر برتقال الي العجينه

طريقه التحضير

يتم اضافه كل المكونات البودره اولا الي الدقيق +الحميره+السكر+

ونقلب

ثم نضيف الزيت والذبده و الماء كله بالترتيب ثم نكمل العجين

ننزل باللبن واذااحتاجت العجينه الماء مفيش مشكله نزود بالماء ولوعاوزين تزودو باللبن عادي حسب المتاح ( استخدام البن طبعا افضل من الماء وذلك يعطي للعجينه غنا وطراوه ) كميه البن نفس كميه بدلا من الماء طبعا ال تحتاجه العجينه

تترك العجينه لترتاح

تقطع علي هيئه دوائر وتشكل حسب الرغبه

تتضغط براحه اليد وتشكل علي هيئه ساندوتش وممكن ان تحشي بالجبنه او العجوه او ممكن كريمه باستري

تتدهن اصغر بيض من علي الوش وتخطط بالشوكه حتي تعطي شكل مربعات علي الوش بمعني (لما ندهن الوش بالبيض طبعا لو جبنا الشوكه وخططناها بالطول والعرض هتعمل مربعات في الييض والعجينه هتتدينا شكل حلو في العجينه)

يوضع السمسم علي وش القرص بس يفضل ان يوضع السمسم في الوسط حتي لا نضيع شكل المربعات الجميله

ملحوظه مهمه لابد من اضافه عصير البرتقال الي البيض ويخفق جيدا

ممكن وضع القليل من السكر في وسط القرصه علي الوش

او وضع حبه البرك في الوسط علي وش القرصه او الشوفان

توضع في صينيه وتتدخل الفرن علي درجه حراره 170 الي تمام التسويه لمده 7 دقائق والوصول الي اللون الذهبي وبالف هنا