اندفعنا

اندفعنا
 شعورنا خدنا
عمر ما عملنا حسابنا
نبقى يوم م المجروحين
بعد ما دوبنا اشتياق 

الحياة كان ليها حسبة
مهما بانت مرة صعبة
والنهاية وداع حزين
والحياة فارضة الفراق
.....................................
صعب نبقى ف يوم لبعض
قلنا نبقى ع التماس 
واللى اصعب ندى وعد
ولا نيجى على ناس

كان قرارنا ساعتها نبعد 
يومها قلنا خلاص نجمد 
جوة منا اجمل احساس 

ياما شوفنا خوف عينيهم 
كل ما شافوا اللى بنا
كان ضرورى نخاف عليهم 
قلنا نمشى وكان بعادنا 

عن شعورى والحقيقة
عمرى ما نسيتك دقيقة 
حتى لو إحساسنا خاننا 
........................................
افترقنا
غصب عنا 
واللى فاضل بس منا 
 غير دموع مالية الحكاية 
 الف ذكرى لحب ضاع  

خوفنا ع اللى عاشوا لينا
واللى روحهم لسة فينا 
يومها قربنا النهاية
يومها فضلنا الوداع 
................................................... 
كلمات
محمد عبد المنعم
منعم