.

                         

رئيس مجلس الإدارة .. دكتورة / نبيــــــــــلة ســـــــــامي

تحيا مصر تحيا مصر                                                

الاعلام البديل 

الاثنين 15 أكتوبر 2018 3:45 م توقيت القاهرة

عيد صالح..فى حب مصر ماذا اقول..فضفضة من الاعماق

سأكتب أقول فى حب مصر

يا أرض العروبة يا أرض التاريخ

يا قلب بينبض فى كل الرجال

با بسمة رقيقة تحطم جبال

عشانك يا مصر هعدى المحال

يا مصر باسمك هغنى أقول

دا قمرك فى ليلك سحره يطول

ونيلك وأرضك جبالك سهول

هفضل أغنى بحُبك هقول

ويعدى يوم فى حبك سنين

فى القلب والله وجوه العين

حبيبتى يا مصر هقولك كلمتين

الأولى أحبك والتانيه فين

بدمى وقلبى أفديك يوم

والله حبيبتى هتروح الهموم

ولو فات سحابة وكانت غيوم

الحزن راح وفرحك يدوم

جيشك يا مصر أعظم الجيوش

فى الحرب والله ومين راح يحوش

شجاعته فراسته ووجه البشوش

لو ينسى نفسه ليك ما ينسوش

بحبك يا مصر وحبى يزيد

ويوم يعدى فى حبك دا عيد

وعيدك يا مصر لو اموتلك شهيد

وضربة ايدينا دا ايد من حديد

عدوك يا مصر دا شئ ما يساويش

لو عاش يومين التالت مش هيعيش

و رابع يوم هنسأل وكأنه مفيش

مهما يكون ليه ما تسمعيش

لانه خلاص راح من الوجود

كان زى الظلام و نورك اهوه يعود

يا مصر يا اجمل جميلة فى الوجود

قلبى فى حبك هيردد وعود

الوعد أول ليك راح أكون

ميت فى أرضك مين كان يخون

وتانى وعد أقولك انت فى العيون

دا حبك فى دمى يجرى كان يكون

يا أرض العروبه يا أرض التاريخ...حمى الله مصر من كل شر...

تحيا مصر تحيا مصر

 

تصنيف المقال : 

إضافة تعليق جديد