.

                         

رئيس مجلس الإدارة .. دكتورة / نبيــــــــــلة ســـــــــامي

تحيا مصر تحيا مصر                                                

الاعلام البديل 

الاثنين 15 أكتوبر 2018 2:51 م توقيت القاهرة

كتب..عيد صالح..صباح الخير يامصر.فضفضة من الاعماق

صباح الخير يامصر
صباح الورد صباح الفل
يامصر ياأمي ياست الكل
صباح النور يانور على نور
يامية بتجري فى أرضي االبور
صباح الخير فى قلبك خير
تملي يابلدي لكل الناس
ماتشغلى بالك باللي يعاندك
شعبك جندك ليك حراس
دايما جنبك شاهر سيفه
للي يوسوس له الوسواس
أنا إسمي المصرى
وسابق عصري
ونيلك دمي وقلبك قصري
إن مسك ضر عليك بتحر
أنا إبنك دايما ضد الشر
وضد الظلم وضد الوحل
وضد الرسم بلون الكحل
وضد الضرب وضد السحل
ودهس الفحل وقرص النحل
ريحي قلبك دا أنا من صلبك
قلبي فى حبك دايما بايش
طول مانا عايش هفضل حايش
أى عيار هيجيلك طايش
أو مقصود من فعل الدود
فى البيت مولود أو طرف حدود
ماهو أصل الدود دا عدو لدود
ليا وليك ياأصل الجود
إهدي يابلدي وريحي بالك
إبنك رابط حاله بحالك
إرفعي راسك ياأم الدنيا
بكرة هتبقى قد الدنيا

تحيا مصر تحيا مصر

تصنيف المقال : 

إضافة تعليق جديد