كتب عيد صالح-عاشق ترابك يا مصر

يامصر  عشقت مسك ترابك الغالي
واتمني المس بابك العالي
وأديني حيتك برضه في معادي
لقيت أبوابك مفتوحة قدامي
ارتميت في حضنك الدافي
اقبل صفحة جبينك الصافي
نزلت دمعه تفر من عيني
تمسح شقا وغربة سنيني
لقيت ذكرياتي بتمر في ثواني
شريط سريع فكرني بحياتي
هنا لعبي وخطو أقدامي
وهنا أتعلمت أحب أصحابي
هنا كانت صولاتي وجولاتي
وهنا شفت شهامة جيراني
هنا مشيت مع أحبابي
وهنا اتنسجت كل أحلامي
هنا شميت عطر هواكي
وهنا عشقت روعة سماكي
هنا شربت من نيلك الصافي
وهنا أكلت من خيرك الوافي
هنا أترسمت اغلي ضحكاتي
وهنا اتحفرت كل أحزاني
هنا أتربيت بين اخواتي
وهنا لمست حنية أحبابي
هنا امتزجت أحزاني بأفراحي
وهنا ارتبطت أشواقي بغرامي
هنا اتهدمت طموحاتي قدامي
وهنا بدأت اقوي من تاني
هنا اختلطت كل أفكاري
وهنا جمعت كل طاقاتي
هنا غدر بي أحبابي
وهنا عشقت حلو أيامي
بحبك يا مصر يابلدي بكياني
بحبك وحبك جوه وجداني
تحياتي العطرة -تحيا مصر تحيا مصر