ما تفكريش إنى باموت من يوم غيابك
وإنى باضيع وقلبى تاه من يوم ما سابك
كدبوا اللى قالوا إنى تعبت م الغياب
انا كنت زى مدمن ودى أعراض الانسحاب
.........................................................
قادر بالوقت اتخلص
من سجن عملته لروحى
وارجع من تانى طبيعى
كان عيبى وذنبى إنى اخلص
مع قلب هوايته جروحى
وشايفها دى أمر بديهى
.......................................
متصدقيش اللى ف يوم قالوا انكسرت
والرحمة عليا تجوز كدبوا اللى قالوا مت
انا لسة عايش لسة على قيد الحياة
ولو ف يوم هافتكرك قولوا البقاء لله
......................................................
اعراض انسحاب
كلمات
محمد عبد المنعم
منعم
إضافة تعليق جديد