تألق الأستاذة بدر كامل الشاعرة بنت النيل

كتب المهندس احمد الغمري

شاعرة العامية الأستاذة بدر كامل المحامية نشرت اخر اعمالها من الشعر بعنوان مسافر واجمع النقاد علي موهبتها وأناقة اختيارها للكلمات واليكم ماكتبت

قالى مسافر
....
قالى مسافر
قلت سافر.

هو أمته كنت جيت
علشان تسافر!؟
ماهو البعد
حبيبى

اصله كافر.

قولى
كام مره
جيت وراضتنى؟!
دا كل مره
تجرح
وجرحك.... سافر.
صحيح بنتكلم

لكن بنتألم

والكلام بينا
فاتر.

كل الكلام
ازيك سلامات

عامل ايه انهارده؟
ماهو اللي جاي

مش زي اللي فات.

قالي مسافر
قلت سافر
هو أمته كنت جيت
عشان تسافر.!

قولى

مين غيرك
بين يوم وليلة؟

مش انا كنت بدرك
ف كل ليلة!

غريب قلبك
وانا مش هلوم.

اوعى تقول بحبك
او اسمعها يوم.

الحب دا هدهده
مش دبح
وابات مكلوم.

الحب مش قصيدة
ف الدفتر

الحب زي الجندى
ع الحدود معسكر.

مش كل يوم
هجر وفراق

ماهو
ارضى مش بور...
دا كلها بلح امهات.

قالي مسافر
قلت سافر
هو امته كنت جيت
عشان تسافر.

آمانه عليك
لما تسافر متقوليش
بس خليك
طيب ومتجرحنيش.
كل الحدود مفتوحة
بحر وبر وجو
مش هقفلك تانى
عشان متعديش
كل اللي عاوزاة منك