تحيــا مصــــر

بقلم/ فتحى الغنيمى

موجه أول تربية مسرحية بادارة شبراخيت

الخلاصة في كلمتين

تحيا مصر يا معتوهين

الخراب في نفوسكو ضارب

بالجذور ملايين سنين

اشغلوا بالكم بزيفكم

ليه بحالنا مشغولين

مهما يقسى اليوم علينا

برضه بننام شبعانين

لقمة حاف ودفا اللحاف

وضمة لمّة الشقيانين

أب بيرتل دعاؤه

وأم بتردد آمين

كنا فين وبقينا فين

عشتوا فينا مضللين

حقدكم حارق قلوبكم

موتوا بالغيظ ملعونين

مصر باقية رغم زيفكم

مصرنا للمصريين

تحيــــــــــا مصـــــــــر