حب مصر

حب مصر
لشاعر الأغنية الحالمة
علاء الخولي
مبقتش أحب حد
من بعد حب مصر
حبك مش امر وفرض
حبك تاريخ ونصر
بنسى الأحزان في حبك
لو طعم الحلو مر
إحساسي إني بحبك
احساس برئ وحر
يامالكة كل مشاعري
ومشاعر الملايين
في طريق الصعب تعدي
منصورة ليوم الدين
حاميكي رب الأمة
اسمك مذكور فى كتابه
يامصر معنى وكلمة
ياقلب الكون وشبابه
الطيبة عندك فطرة
ولادك طيبين
آمالهم كله ف بكره
لله ساجدين
الضحكة منك دنيا
بتمحي كل مرار
بيقولوا أم الدنيا
وصفوكي في الأشعار