ذكريات

بقلم / ياسمين حافظ

ذكريات من عمر فات

دايما بتصحي إللي فينا مات

ساعات نتمناها ترجع حلوة بنفس الحاجات

وساعات بنتوجع من التفكير في إللي فات

عيشنا قد ما عيشنا في حياتنا

هنفضل في خانة الذكريات

وكل يوم بيعدي بينا هيتحفظ في الخانات

يوم يعدي مليان بالازمات

ويوم تاني مليان بالضحكات

وادينا بنعيش في كل الحالات

و يجري بينا العمر قوام

و هتفضل الذكريات الحلوة في حياتنا زي الأغنيات

نحب نسمعها دايما وقت الوجع و الآهات

ولغاية ما توصل حياتنا للنهايات

مش هيفضل منا غير سيرة حلوة وشوية ذكريات