رحلة داخلية

بقلم/نشأت البسيوني 

في عمق كل إنسان فيه رحلة داخلية مش محتاجة حد يشوفها مش محتاجة كلمات تحكيها الرحلة دي مش وقت محدد ولا مكان ثابت الرحلة دي موجودة جواك من أول ما تعرف نفسك لحد ما تفهم قلبك وعقلك وروحك الرحلة دي مليانة لحظات صمت مليانة صراعات مليانة خوف مليانة فرح لحظات صغيرة لكنها بتصنعك من غير ما تحس كل تجربة في الرحلة دي درس كل خطوة فيها 

تعلمك إنك أقوى من ضعفك وأهدى من خضتك وأصدق من أي صوت حواليك الرحلة الداخلية دي بتخليك تواجه نفسك من غير تزييف من غير مجاملة من غير خوف بتخليك تعرف مين فعلاً جنبك ومين مجرد مرور بتخليك تعرف حاجات كنت مخبيها عن نفسك حاجات كنت خايف تواجهها حاجات لازم تتقبلها الرحلة دي بتعلمك الصبر بتعلمك التركيز بتعلمك تقيم كل لحظة في حياتك 

وتعرف قيمتك من غير ما تحتاج أي حد يقررلك الرحلة الداخلية دايما مستمرة مهما الأيام عدت مهما الناس اتغيرت مهما الظروف اتبدلت فيها تلاقي نفسك بتكبر فيها روحك بتستعيد قوتها قلبك بيتنفس وعقلك يصحى الرحلة الداخلية هي الطريق اللي يخليك تكمل الحياة من غير خوف من غير تراجع من غير خسارة لنفسك الرحلة الداخلية هي المكان اللي تلاقي فيه نفسك الحقيقية وتقدر تعيش كل لحظة فيها بوعي أكبر وبقلب أهدى وروح صافية