شطرنج

 بقلم / شيماء جمال أبوشادي 

شطرنج في كف الزمن ..
يحركني كيف ما يحب ..
لا عارضته يوم والتمن .. 
بتعاقب من غير ذنب .. 

مكنش ليا ف الفراق .. 
ولا قلبي يوم يتحمله ..
زماني دخلني ف سباق ..
وخسرت فيه من أوله ..

أنا كنت آيه من الهدوء ..
ساكت مليش أي إعتراض ..
خدت القلم لجل ما أفوق .. 
فوقت لاقتني ف إفتراض ..

عايش يجوز ميت يجوز ..
أهي كلها توابع قلم ..
لاقتني في وسط النفوس .. 
مضطر أعيش مع الألم .. 

مع الأسف لعبه وضيعه ..
سبت الزمن يلعبها بيا .. 
ومتقولوش هيا الطبيعه .. 
وطبيعي تهون دموع عنيا ..
أنا لو إبليس من حقي برضو ..
حد يطبطب يوم عليا ..