عبد الفتاح السيسي في كلمتين

عبد الفتاح السيسي في كلمتين
.
و لما سألوه عن غرامات الفلاحين قال , الفلاحين أهلي و ناسي بس الأوطان مش بتتبني بالخواطر , بتتبني بالإلتزام !! .
.
اهو الرد ده مش مجرد كلمتين قالهم السيسي , ده منهجه و طريقة تفكيره , ازاي بقى ؟ بص يا سيدي :
.
- أولا انا فلاح , يعني محدش يزايد عليا في كلام و شعارات و افتكاسات عن الفلاحين و البسطاء , ماتجيش تبيع المايه في حارة السقايين .
.
- الفلاح بيعاني و الكل بيعاني , هي مرحلة صعبه عالكل , دي حقيقيه .
.
- فين المنهج بتاع السيسي بقى ؟ هقولك اهو , تخيل مبارك مكان السيسي و قالو له غرامات الفلاحين ياريس ؟ طبعا و قولا واحدا هيقول نلغيها و الدوله تتحملها , ايه يعني اتنين تلاته مليار , بس الناس تتبسط ( تنبصط بصوت سعيد صالح ) .
.
- و هي دي كل الحدوته , كنا بنعمل ايه و بقينا بنعمل ايه ؟
.
- كان مبارك باختصار منهجه ( ندلّع الزبون و نريحه و نكسب شعبيه ) و احييني النهارده و موتني بكره , و المنحه ياريس و يادين النبي ايه الحلاوه دي , و تذكرة المترو بجنيه و بعد 10 سنين بجنيه , و علبة لبوس الجلسرين تفضل ب 130 قرش لمدة سنين طويله , و تنضرب أم الصناعه , و ندعم الوقود و السلع و الدولار , و ندعم أي حاجه في أي حته , و نريح الزبون برضه ( ونهشتكه ) ولا نعمل بنيه تحتيه ولا نعمل مصانع , و نعمل بنيه تحتية و مصانع ازاي لما يكون عندنا موازنة نصها طاير في الدعم و فوايد الديون و ربعها طاير في مرتبات ؟! , اه المرتبات دي حدوته تانيه , هات يابني اخوك وابنك و بنتك و عينهم معاك في نفس المصلحه الحكوميه , اتنين تلاته مليون موظف ؟ يبقو خمسه سته مليون , احنا ملناش بركة الا انتو و بنريح الزبون !! .
.
- طب السيسي منهجة ايه بقى ؟ منهجة العكس تماما , هشيل الدعم و هطبق القانون , و مش ( ههشتك ) الزبون , المواطن بالنسبالي مش زبون , انا بعمل مستقبل لولاده و أحفاده , بنبني بلد بالأصول , حتى لو هنعاني شويه , المعاناه اصعب لان التوقيت نفسه صعب و لان مرحلة ( هشتك الزبون ) كانت قرّبت تجيب دورف الدوله , بس مش مهم , برضه مش هضحك عالناس ولا هعيشهم بطريقة احييني النهارده , و بالنسبه للشعبيه ؟ والله حضرتك لو الشعبيه هتيجي بالنصب عالناس مش عايزها