كتب عيد صالح فضفضة من الاعماق

عيد صالح

ساكتة ليه اتكلمي 
 من انهاردة مفيش سكوت !!

وحياة كل دمعة 
وكـــل لوعـــــــة 
 في قلب عاشق قرب يموت!!

وحياتك انتي 
أيــــــوة انتي .. لازم اقسى 
 وأصرخ وأقول بأعلي صوت!!

خلاص كرهتك!!
كرهت اسمك ..
كرهت رسمك ..
 كرهت حضني اللي ياما ضمك

كرهت كل اللي بينا
اللي اصبح ذكريــات
انسي خلاص كل الوعود 
 ده الحـــــب مـــــــــــات

انسي عيوني ولهفتي
انسي حنينـي وجنتي
انســــــي حُبــــــــي 
 واوعي تبكي على اللي فات

هداوي قلبي بس ارحـلــي 
 وهجمعه لو كان فُتــــــــات

لازم يعيــــــش ولـــو جريـــح
 وابني في هواكِ مليون ضريح

انتي خـــلاص بقيتــــي ذكري 
 امشي وروحي مشتاق لبكرة

مشتاق ارجع لقلبي نبضـــه

مشتاق اعيش
مشتاق ارجع بسمتي 
 مشتاق لصبح لدنيتي

هـ بيع هواكي من غير تمن 
 وهيبقي تـــاري مع الزمـــن

ولو جابوا قصادي سيرتك 
مايهمكيش
هقول سابتني

 ..