كم يساوي سعرك يا انسان

كتب المهندس احمد الغمري 

قصة بالعامية لها معني  يحكي ان واحد من المرشحين بياخد جوله فى دايرته الإنتخابيه وهو ماشى لقى شيخ كبير فى السن و باين انه غلبان و مسكين فالمرشح قاله سلام عليكم و ابتسمله و سأله انت مسجل فى قوايم الإنتخابات قاله الراجل أيوه مسجل أنا و مراتى و عيالى فالمرشح ابتسم و زقطط كدا و مد ايده فى جيبه و قام مطلع 200 جنيه و اداهم للراجل و قاله أنا محتاج صوتك انت و العيله فى الإنتخابات فالشيخ مسك الورقه ام 200ج و بصلها كدا و قال للمرشح يا بنى أنا مش عاوز فلوس خد الفلوس و اعمل فيا معروف روح اشتريلى حمار يساعدنى فى شغلى بال 200 جنيه دول فالمرشح فعلآ اخد الفلوس وبعت ناس  سوق الحمير وفضل يدور،كتير،
 بس ملقاش ولا حمار بالسعر ده فرجع للشيخ تانى و قاله معرفتش اجيبلك الحمار لأن سعره أكتر من 200 جنيه بكتير و أنا مقدرش ادفعلك أكتر من المبلغ ده  ..
فضحك العجوز و قاله معرفتش تشترى الحمار ب 200 جنيه و عاوز تشترينى أنا بيها يا لك من أحمق انت فاكرنى ارخص من الحمار  ..