" يا جندي يابطل "

بقلم / ياسمين حافظ

ياجندي يا بطل

يا ابن بلدي ابن الأصول والناس الطيبين

قلبي من الحزن عليك انفطر

ياجندي ياجدع

قلبي كتير عليك اتوجع

على أرض الوطن أنت الأساس

أنت اللي بتحميها من أي مساس

أنت وصحابك أعظم حراس

غدر بيك كل خاين خسيس

واللي تراب الوطن عنده رخيص

يا بطل حقك هو حقنا وهنجيبه من كل عدو خبيث

نولت الشهادة يا بطل واتكتب إسمك من الصالحين

روحك طاهرة وطيبة وراضي عنها رب العالمين

بيحتفلوا بيك من الأرض للسما والدنيا مليانة زغاريد

يا بختك عند ربنا وعقبالنا زيك يا عظيم