ابو هيشمه باي باي انتهت اللعبه

Sherif Elsharkawy

#صدمــــــــــــــه داخل الرأي العام المصري
باي باي مستر ابو هشيمه

يوجد بعض الناس عليهم شبهه اه..
لكن انت مش قادر تمسك عليهم حاجه
وبالتالي اسلوب العقاب مش دايما بالسجن
في اساليب تانيه ..
خصوصا لما يكونوا مليارديرات ..
زي ساويرس وزي ابو هشيمه ..
انزل اعمل قنوات متوازنه بدل القنوات اللي بتهدم في البلد ..
انزل ابني قري ونجوع وطورها وارمي فيها اساس ودا اللي حصل ..
ساويرس خلع وباع اون تي ڤي ..
لما حس انه قرب يغرق ..
اخدها ابو هشيمه خلصنا من ليليان داوود ويسري فوده بتوع يسقط حكم العسكر وعادت اون تي ڤي بمحتوي مختلف
عمرو اديب يمثل المعارض لكن مش سافل زي الباقيين ..
وعندك اماني الخياط وغيرهم اللي طلعوا علي شاشة اون يقولوا تحيا مصر..
بعد ما كانت شاشة اون بيطلع عليها ريم ماجد ويسري فوده يقولوا يسقط حكم العسكر !
ثم بعدها
عندك حديد المصريين .. انزل لو سمحت القري الفقيره ظبطها اعمل بيوت وابني سقف لكل بيت ثم شكرا ابو هشيمه ..
دفعت ضرايبك .. طير انت

والان الخبر
شركة ايجل كابيتال تستحوذ علي كامل حصة شركة اعلام المصريين ..
شركة اعلام المصريين دي اللي هي الجروب اللي بيضم كل ما هو له علاقة بالاعلام ومملوك لابو هشيمه !

تعالوا نعرف اعلام المصريين بتاع ابو هشيمه اللي اشترته ايجل كابيتال بيضم ايه

أولًا : فى مجال الصحافة:
ـ موقع وجريدة اليوم السابع، والمواقع التابعة له: «إنفرادـ دوت مصرـ دوت مصر TV».
ـ موقع وجريدة صوت الأمة.
ـ موقع ومجلة عين المشاهير.
ـ مجلة إيجيبت توداي.
ـ مجلة بيزنس توداى.

ثانيًا: الشركات الأخرى
- مجموعة قنوات اووووون
ـ شركة برزنتيشن سبورت.
ـ شركة مصر للسينما.
ـ شركة سينرجى للإنتاج، وسينرجى للإعلان.
ـ شركة أى فلاى.
ـ شركة «POD» المتخصصة فى العلاقات العامة.
ـ شركة «هاشتاج» المتخصصة فى السوشيال ميديا.
ـ شركة «سبيد» المتخصصة فى التصميم والجرافيك والتسويق الرقمي.
ـ شركة «ايجيبشان أوت دور»، المتخصصة فى إعلانات الطرق.
ـ شركة داينو المتخصصة مجال تنظيم الأنشطة التسويقية للشركات

لا لسه الخبر لم ينتهي
شركة ايجل كابيتال اللي اشترت حصة ابو هشيمه تابعه لمييين؟
رئيس مجلس الاداره هي داليا خورشيد وزيرة الاستثمار السابقه في عهد السيسي واللي اتصنفت من اقوي 50 امرأه مؤثره حول العالم حسب تصنيف مجلس فوربس لكن تم اقصاءها من منصبها الوزاري بعد زواجها من طارق عامر محافظ البنك المركزي

اما مدير الشركه المسئول عن الاعلام والقنوات واللي هايدير الملف الاعلامي هو المهندس اسامه الشيخ احد اهم صناع الاعلام في مصر واحد اهم صناع الاعلام في عهد الرئيس مبارك مؤسس قنوات النيل المتخصصه في عهد الرئيس مبارك مؤسس ومدير شبكة قنوات ART السعوديه
فهمتوا حاجه؟ !!