رئيس مجلس الإدارة   ..
دكتورة  / نبيــــــــــلة ســـــــــامي                  

تحيا مصر تحيا مصر                                                

الاعلام البديل 

الجمعة 15 نوفمبر 2019 11:17 م توقيت القاهرة

حوار صحفي مع صاحبة برنامج باب وتلت

بقلم \ عبدالمنعم خليل الحوفي

اولا : نتعرف علي اليوتيوب بشكل عام ؛هو أشهر موقع ويب إلكتروني لعرض الأفلام بأنواعها المختلفة العلمية، والثقافية، والاجتماعية، والثورية، والفنية .. إلخ، وقد تأسس سنة 2005م، على يد مجموعة موظفين سابقين في شركة باي بال، حيث يقوم على السماح لمستخدميه برفع الفيديوهات والتسجيلات المصورة، ويتيح لهم أيضاً مشاهدة فورية دون الحاجة إلى تحميل لأي فيديو مرفوع على الموقع بشكل مجاني. علماً أن التسجيل في الموقع اختياري وليس إجبارياً، كما يتيح لهم خاصية الإعجاب والتعقيب عليها، ويستخدم في ذلك تقنية الأدوبي فلاش لفتح وعرض المشاهد المصورة المتحركة، إضافةً إلى أن موقع يوتيوب يحتوي على 62 واجهة للغة.

وثانية : برنامج باب وتلت (برنامج باب وتلت هو برنامج يتم بث من خلال يوتيوب لتعرف او التحدث عن الموضوعات المجتمع المصري وانها تعمل علي نشر التوعيه للمجتمع المصري علي معرفة ومناقشة بعض الموضوعات)

نبدا حوار مع احد اشخاص المتعارف عليها في عالم اليوتيوب وبرامج اليوتيوب في مصر صاحبة برنامج باب وتلت وهي شابه من محافطة بمصر وهي اعلاميه الدكتوره رشا علام

1. حدثنا عنك وعن بدايتك مع فكرة برنامج باب وتلت؟

اولا السلام عليكم ورحمه الله ,تانيا مبسوطه جدا بوجودي مع حضرتك وحواري معاك

, ثانيا انا د.رشا علام بدايتي في اني اقدم برنامج على اليوتيوب جت عن طريق الصدفه ,

كنت بتكرم في مجال شغلي وكنت علي منصه التكريم واتكلمت بشكل لائق وكأني مذيعه ,

صديق ليا اقترح عليا ساعتها ان ليه ماقدمش برنامج علي اليوتيوب , طبعا حضرتك عارف ان

الوقوف امام اي كاميرا ليها رهبه بتخض وبتربك جداااا ,برغم اني بشتغل في مجال التدريب

يعني حاجز القلق او الخوف مش موجود , اقتنعت بالفكره جدا وفكرت كتير ايه اللي اقدمه

والاسم البرنامج يكون ايه واتكلم عن ايه ,فا جمله "باب و تلت" ده مثل عندنا في مصر

ومعناه اختصر وفكرت اقدم عن سلوكيات عموما في حياتنا ومعظم حلقاتي عن تجارب

شخصيه حصلت معايا او تجارب عامه حصلت ادامي .

2. ماهي رسالتك من خلال برنامج باب وتلت؟

والله انا بؤمن بمقوله اللي بتقول خير الكلام ما قل ودل ,ممكن يكون ناس بتعمل فيديوهات

كتيره ساخره او كوميدي او اي ان كان لكن لما بيطول الفيديو تحس انه بايخ واخرك الفيديو

ايه , انما انا بقدم الحاجه اللي حباها, بس بوقت صغير ويكون بسيط, ورسالتي هنا توصيل

معلومه وحلها بشكل مبسط والاستفاده في نفس الوقت.

3. من مثلك الأعلى؟

عموما ولا في مجال معين ؟

ده وده ؟

في حياتي هو والدي الله يرحمه وامي ربنا يشفيها ويخاليهالي وبالنسبه في مجالي او في

شغلي اي شخص علمي وارشدني ونصحني لوجه الله بعتبره مثلي الاعلي

4. ما هي الصعوبات التي واجهتك من ناحية برنامج باب وتلت؟

لا الحقيقه هي كانت اعتراضات مش صعوبات

ممكن نتعرف عليها ؟

اني مش بقول حاجه جديده او اشمعنى بصور في البيت عندى برغم انى صورت بره اكتر من فيديو وكلام من هذا

القبيل , بس كملت واستمرت ,ولكن ماتجهلتش كلام او اعتراضهم او ارائهم بالعكس اشغلت علي نفسي وطورت

الفيديوهات والموضوعاات.

5. متى تم نشر اول حقله من برنامج باب وتلت؟

في رمضان

6. ماهي أخلاقيات ومواصفات مرفوضة في برامج من وجهة نظرك؟

السخريه من اوضاع معينه في مجتمع, مااحبش اتريق علي شغل اي ان كان مين علي قناته

او برنامجه, اي من كان

7. ما شعورك عندما تراي تعلق جيدا او تشجيع على برنامج باب وتلت ومن المتابعين ؟

مبسوطه طبعا ,لو عشره اشخاص اجمعوا انك كويس ساعاتها بتحس ان ناجح ,انا ممكن ما

اعجب كل ناس ,ولو في تعليق يحبط او من هذا القبيل ,مش بزعل اوى لكن بتقبله بصدر

رحب وبديني الدافعيه انى اطور من نفسي

8. لمن توجه اهداء دائما في نجاحاتك؟

دعم امي ليا وبابا الله يرحمه واخواتى ومجموعه من الاصدقاء

9. ممكن نتعرف على موضوع الحلقة القادمه ؟

اسيبها للتشويق , ليك واللي متابعني .

في نهاية الحوار اليوم مع الدكتورة رشا علام ، شكراً لك على وقتك وآمل أن تكون على ثقة كبيرة في هذا الحوار وأشكرك على وقتك وجهدك

والمزيد من التفاصيل عن برنامج باب وتلت الذي يتم نشره من خلال قناة رشا علام علي اليوتيوب

https://www.youtube.com/channel/UCtDsjLU0JbIQ00nKveW2fKA?reload=9&view_a...

وكل الشكر والتقدير للدكتوره واعلاميه رشا علام وبرنامج باب وتلت

تصنيف المقال : 

إضافة تعليق جديد

CAPTCHA
This question is for testing whether or not you are a human visitor and to prevent automated spam submissions.