فكره ممتازه

كتب/ حسام الشرقاوي
فكره بسيطه........

في ظل الظروف الصعبه التي يمر بها الفقراء جاءت لي فكره حلوة وقولت أطرحها ليكم وأنا متأكد أنها هتعجب الجميع ولكن مش متأكد أن الجميع هينفذها

فكرة(( جنيه كل جمعه ))
الفكره بتقوم على إن كل واحد فى البلد وهو رايح يصلى الجمعه ياخد جنيه معاه و يحطه فى صندوق أسمه ( جنيه كل جمعه )
جنيه واحد بس مش كل يوم دا جنيه كل جمعه
لو قلنا إن عدد اللى بيصلوا الجمعه حوالى 5000 متوزعين على كل مساجد البلد
هيكون معانا فى الأسبوع 5000 جنيه
نضربهم بقا فى 4 أسابيع فى الشهر = 20 ألف جنيه
20 ألف دا ف شهر واحد بس
20 ألف من غير ما تحس إنك دفعت حاجه
دا غير إن فيه ناس ممكن تدفع أكتر من كده
مش ممكن بال 20 الف دول كل شهر نجهز عروسه ؟
مش ممكن بيهم نساعد مجموعه من الأسر الفقيره ؟
مش ممكن نساعد يتامى ؟
مش ممكن نساعد بيهم مريض فى علاجه ؟
الجنيه مش هيفرق مع اللى هيدفعه .
بس هيفرق مع ناس تانيه محتاجه مساعده

فكرة بسيطه ممكن تحقق أحلام ناس كتير فقيره الله الموفق والمستعان
اتمني تكون الفكره عجبتكم
حب_الخير_للغيرك