دنيـــــــــــــــــــا

بقلم / ياسمسن حافظ

أنا الضلمة وأنا النور

أنا المتواضع والمغرور

أنا العاقل والمجنون

الظالم والمظلوم

تلاقيني معاك وقت اللزوم

وساعات تلاقيني عنك مشغول

أنا بقرب من إللي ينساني

وببعد عن إللي ينتظرني ويهواني

وأكون دايما واحد تاني مع المخلص لعمله متفاني

وأكون ساعات شراني مع أي واحد طيب إنساني

واظهر وابان وأكون فرحان مع الاستغلالي الأناني

احارب الصح وأكون معاه عدواني

واقف مع الغلط واساعده يحقق كل الأماني

بكون بطىء في ظهور الحق و بساعده إنه يتعلم ويعافر

و سريع في مكسب الباطل وبساعده إنه يقع في الفخ ويتخاذل

مهمتي في حياة كل حد فيكوا هى إمتحان

الناجح دايما يحاربني ويقاوم خبطاتي

والفاشل دايما يطاوعني ويمشي ورا نزواتي

بس في الأخر أنا مش دايمة أنا مجرد دنيا فانية

لكن الحياة التانية و إللي هتفضل دايمة هى عند ربك إللي خلقك وخلقني فهو الأول والآخر