على حافة يوم جديد

بقلم/نشأت البسيوني 

في لحظة بين امبارح وبكرة يقف الإنسان قدام نفسه بصمت غريب صمت مافيهوش خوف ومفيهوش اندفاع بس فيه إحساس إن الحياة لسه بتختبره وإن الطريق اللي ماشي فيه محتاج قلب ثابت وعقل ما يتلخبطش من أول أزمة ويتفاجأ إن أبسط الحاجات اللي كانت بتعدي زمان بقت ليها معنى وإن التفاصيل الصغيرة اللي ماكناش بناخد بالنا منها بقت هي اللي بتحدد مزاج يوم كامل 

ويمكن أحياناً مصير مرحلة كاملة وفي منتصف التفكير يكتشف إن كل خطوة بيخطيها مش مجرد حركة لقدام لأ دي مواجهة مع تعب اتخزن جواه سنين ومع صوت داخلي ساعات يشجعه وساعات يحبطه ومع شعور إنه لازم يثبت لنفسه قبل الناس إنه قادر يكمل مهما اتقلت عليه الدنيا ومع كل محاولة للتقدم يحس إن الحياة مش ضده زي ما كان فاكر بالعكس هي بتديله رسائل واضحة إن 

اللي بيدور على مكانه هيلقيه وإن اللي بيحلم حتى وهو تعبان أقرب بكتير من اللي استسلم وهو مرتاح وفي آخر اليوم وعلى حافة بداية جديدة يدرك إن القوة مش في إنه يكسب كل حاجة القوة الحقيقية في إنه مايسيبش نفسه تقع ويتعلم يوقف كل مرة بأسلوب مختلف ونفس أطول وروح أهدى ويستوعب إن الحياة عمرها ما كانت سباق مع حد تاني الحياة كلها إنك تلحق النسخة الأفضل منك قبل ما تفوتك