"هو دا ابنك يامصر"

كلمات / فاروق الحضري
===========

اللي جالك من بعيد
لجل حبك شال حديد
قال تعيشي وانا الشهيد
وأنت غالية في كل عصر

هو دا ابنك يامصر

اللي باع عمره عشانك
لجل يحفظ لك كيانك
م اللي ظلمك واللي خانك
دا اللي يجبر كل كسر

هو دا ابنك يامصر

الشهيد حبك زيادة
بالفدا شاف السعادة
جاب شموخك بالشهادة
وقال أموت وتحيا مصر

هو دا ابنك يامصر

قال حياتي مش مفيدة
لجل بلدي تكون سعيدة
عند ربي حياة جديدة
فيها جنة وألف قصر

هو دا ابنك يامصر

الشهادة ياناس كرامة
ع الوجوه أحلي ابتسامة
فيها للأوطان سلامة
فيها عزة وفيها نصر

هو دا ابنك يامصر